如何和愛犬一同迎接新生兒的來臨-唐狗會.docxVIP

懷孕與養狗-如何和愛犬一同準備迎接新生兒的來臨 對於喜歡小孩子同狗既家庭都會有同一個問題 就係如何可以令到嬰兒與家中狗隻和平地相處? 眼見最近有好多新聞都針對唐狗係會對bb不利因為其一: 唐狗比人既感覺係好惡 係會咬BB既狗種 其二:唐狗體型龐大 好容易就會傷害到BB 其實全部都係人類錯誤既標籤 只要教唔好家中狗隻所有的狗種都會有機會傷害bb. 自懷孕以來 我一直都有上某媽媽討論區的習慣 久不久就會見到有些topic 狗同bb相處不來又或是自從bb出世后 隻狗就好唔聽話 在facebook上面亦都經常見到有家庭因為懷孕而棄養狗隻.其實只要有正確同針對性的訓練 呢d都係可以避免既事. ? 上年三月我剛巧發現自己懷孕了 雖然開心但係為左豬b我極度煩惱同擔心 因為熟悉豬b既朋友都知道拒係一隻非常興奮而挑機既狗. 當時我即刻產生左一個念頭 豬b會否因為過度興奮而傷害到bb? 就呢件事我徵詢過唐狗會導師Rebecca既意見. Rebecca認為middle rank既狗隻係天生既湊仔狗 要同bb和平相處並不是一件難事, 只要家人做好領袖既角色, 狗隻唔單止唔會傷害bb仲會反過來照顧bb. ? 從懷孕以來我一直都有比豬b一些針對性既訓練. 首先每日我都有10-15mins既時間比豬b趴係我肚上面聆聽小b既心跳聲,待拒適應有小生命既存在. 慢慢地, 拒每日都會冷靜地自己走過來伏係我肚上面. ? 另一方面, 我覺得最重要的係係家中訂立某些限制, 例如:限制某些地方唔可以比狗隻自由出入(Setup boundary). 從前既豬b可以通屋走 但自從懷孕之後 我用獎勵方式比拒知道bb房間不能自出自入. 曾經有朋友質疑過我呢個做法 反問我如果咁做豬b會晤會對小b反感? 我既解釋係 一: 我無用打罵方式令拒唔入房. 只要拒遵守我既指令 拒自然會得到雞肉條作獎勵. 對狗隻而言 有小食獎勵勝過一切. 二: 每次拒遵守到一個指令 我都會比好多個good既口頭獎勵拒. 對一位服從領袖既狗隻, 能夠得到主人既讚美, 拒自己都會極度開心甘去遵從. 做法: 在小b房間門口叫狗隻stay好,一做到即刻開心good拒再馬上獎勵幾粒拒喜歡既小食. 如果拒無stay到 我會shu反拒出去 然後再重做. 其實原理同教隻狗stay指令相似. 初初拒可能stay得唔會太耐 但係久而久??我會將stay時間慢慢延長 有時係房間內做少少野先會出反黎 你發現拒乖乖坐/down係門口等待. 呢個training我經常會做 目標係要拒牢牢記住邊個係有指令才可進入既boundary. 有時久不久拒會偷偷地犯規入去 我就同樣地shu反拒出黎 然後繼續做自己野. 做到孕期最後時 就算無獎勵都好 拒只要經過呢個門口拒都會auto sit係門口等待 因為經過多月既訓練 呢個已經成為左一個習慣. 另外因為豬b休息既範圍係係圍欄裏面, 我地同樣都要拒開閘stay好 聽到指令才出閘. 教法都係一樣. 目標係如果bb在外面時 拒唔會沖出圍欄嚇親bb. 順帶一提, 如果家中狗隻係會上床同沙發的話, 請你地係呢個時間糾正拒地呢個問題. 除左因為一般階級之分外 為避免狗隻因跳上床及沙發上騷擾到bb 主人都應該係bb出世前杜絕拒地呢個壞習慣. 來到小生命即將出世既前幾個月, 準父母都會為新生兒準備購買一堆新傢具或用品. 對狗隻而言, 拒地可能對呢d轉變感到好奇或疑惑. 當時我地既做法係邀請豬b參與成個過程, 包括我地裝傢具, 幫小b整理衫仔. 豬b每次都會好好奇咁聞下 只要拒係冷靜地聞我都唔會阻止. 一般的錯誤觀念: ?好多準父母都會犯一個錯 就係同隻狗講野或者刻意表現得特別關注狗隻 目的係想令狗隻知道就算小b出??後 家人都會同樣愛錫拒地. ? 糾正: 主人係無必要做呢樣野. 當然一般狗主 包括我在內都會同隻狗講: BB就黎出世了 你要xxxxx 知唔知道? ?但係主人要明白其實狗隻係聽唔明你講乜 拒地只係懂得人類既身體語言同少數既詞語 但拒地絕對唔明白主人想拒地以後用咩形式來同bb相處. 以我家為例 因為我同爸爸都係拒心目中既領袖 我地只做好我地領袖既角色同以上既基本功細佬出世後豬B只知道屋企多左一個小領袖 呢個人係屬於自己族群既一份子 所以拒唔會傷害拒之餘仲會對拒加以照顧同關心. 當然照顧唔係話幫你餵奶換片 但係拒會從旁觀察細佬既一舉一動.